அறிவாலயத்தில் திமுகவினர் கொண்டாட்டம்

சென்னை: திமுக கூட்டணிக்கு 27 தொகுதிகளில் வெற்றி கிடைக்கும் வாய்ப்புகள் பிரகாசமாகியுள்ளதால், சென்னையில் உள்ள அண்ணா அறிவாலயத்தில் திமுகவினர் பட்டாசுகள் வெடித்துக் கொண்டாடினர்.

தமிழகம் முழுவதும் திமுகவினர் உற்சாகக் கொண்டாட்டங்களில் குதித்துள்ளனர்.

சென்னையில் உள்ள அண்ணா அறிவாலயத்தில் குவிந்த திமுகவினர் பட்டாசுகளை வெடித்துக் கொண்டாடினர்.

அதேபோல மு.க.அழகிரி லட்சத்திற்கும் மேற்பட்ட வாக்குகள் வித்தியாசத்தில் முன்னணியில் இருக்கும் மதுரையிலும் திமுகவினர் பெரும் உற்சாகத்துடன் கொண்டாட்டங்களில் குதித்துள்ளனர். அழகிரி வீடு உள்ள பகுதியில் பட்டாசுச் சத்தம் காதைப் பிளந்து வருகிறது.

இதேபோல தமிழகம் முழுவதும் திமுகவினர் கொண்டாட்டத்தில் ஈடுபட்டுள்ளனர்.