மெக்ஸிகோவில் 7 லட்சம் பேரின் வேலை பறிபோகிறது

மெக்ஸிகோ சிட்டி: மெக்ஸிகோ நாட்டில் கடும் பொருளாதாரச் சரிவு காரணமாக 7 லட்சம் பேர் 2009-ல் மட்டும் வேலையிழக்கும் அபாயம் ஏற்பட்டுள்ளதாக அந்நாட்டு அரசு அறிவித்துள்ளது.

மெக்ஸிகோவின் தேசிய தொழில் கூட்டமைப்பு வெளியிட்டுள்ள புள்ளிவிவரப்படி, சமீபத்திய பொருளாதார வீழ்ச்சி மற்றும் ஸ்வைன் ப்ளூ பாதிப்பு காரணமாக நாட்டின் சுற்றுலா தொழில் அடியோடு பாதித்துவிட்டதாகவும் இதில் மட்டுமே பல்லாயிரம் தொழிலாளர்கள் வேலை இழந்துவிட்டதாகவும் தெரிகிறது.

தொழில்துறையில் இந்த ஒரு மாதத்தில் மட்டும் 13 சதவிகித வீழ்ச்சி ஏற்பட்டுள்ளதாம்.

ஏற்கெனவே மெக்ஸிகோவின் மொத்த உற்பத்தி 10 சதவிகிதம் மைனஸில் உள்ளது குறிப்பிடத்தக்கது.

இந்த 2009 புத்தாண்டு பிறந்த பிறகு, உற்பத்தித் துறையில் மட்டும் 323000 பேர் வேலை இழந்துள்ளனர். பிற துறைகளில் 303000 பேர் பணி இழந்துள்ளனராம். இனி வரும் நாட்களில் குறைந்தது 1 லட்சம் பணியாளர்களாவது நீக்கப்படும் வாய்ப்பு உள்ளதாக அரசு அறிவித்துள்ளது