லோக்சபா திமுக கட்சித் தலைவராக ஏ.கே.எஸ். விஜயன் தேர்வு

சென்னை: மக்களவை திமுக குழுத் தலைவராக நாகப்பட்டனம் எம்.பி. ஏ.கே.எஸ். விஜயன் தேர்வு செய்யப்பட்டுள்ளார்.

சமீபத்தில் திமுக நாடாளுமன்றக் குழுத் தலைவராக டி.ஆர்.பாலு தேர்வு செய்யப்பட்டார்.

இந்த நிலையில் பிற நிர்வாகிகளை திமுக தலைவரும், முதல்வருமான கருணாநிதி அறிவித்துள்ளார்.

இதுதொடர்பாக வெளியிடப்பட்டுள்ள அறிக்கை:

கடந்த 16-5-2009 அன்று நடைபெற்ற தலைமைக் கழகச் செயற்குழு கூட்டத்தில் நாடாளுமன்ற இரு அவைகளின் தி.மு.க. குழுக்களின் தலைவராக டி.ஆர்.பாலு தேர்ந்தெடுக்கப்பட்டு அறிவிக்கப்பட்டார்.

இதையடுத்து நாராளுமன்ற மக்களவை கழகக் குழுத் தலைவராக ஏ.கே.எஸ்.விஜயனும் கழகக் கொறடாவாக டி.கே.எஸ்.இளங்கோவனும் துணைக் கொறாடாவாக சுகவனமும் பொருளாளராக வேணுகோபாலும் செயலாளராக ஆதிசங்கரும் தேர்வு செய்து நியமிக்கப்பட்டுள்ளனர்.

மாநிலங்களவைக்கு ஏற்கனவே தேர்ந்தெடுக்கப்பட்டவர்கள், அந்தப் பொறுப்பில் தொடர்வார்கள் என்று அதில் தெரிவிக்கப்பட்டுள்ளது.