உள்துறை செயலாளராக ஜி.கே.பிள்ளை நியமனம்

டெல்லி: புதிய உள்துறைச் செயலாளராக ஜி.கே.பிள்ளை நியமிக்கப்பட்டுள்ளார்.

கேரள பிரிவு ஐஏஎஸ் அதிகாரி இவர். தற்போது வர்த்தகம் மற்றும் தொழில்துறை செயலாளராக இருந்து வருகிறார் பிள்ளை.

தற்போதைய உள்துறைச் செயலாளர் மதுகர் குப்தா மார்ச் 31ம் தேதியுடன் ஓய்வு பெற்றார். தற்போது பணி நீட்டிப்பில் இருந்து வந்தார். இந்த நிலையில் பிள்ளை புதிய உள்துறைச் செயலாளராக நியமிக்கப்பட்டுள்ளார்.

1972ம் ஆண்டு ஐஏஎஸ் பிரிவைச் சேர்ந்தவர் பிள்ளை. 2006ம் ஆண்டு வர்த்தகம் மற்றும் தொழில்துறை செயலாளராக நியமிக்கப்பட்டார். தற்போது உள்துறை செயலாளராகியுள்ள பிள்ளை 2 ஆண்டுகளுக்கு இப்பொறுப்பில் இருப்பார்.