திண்டுக்கல் - ராகுல் பிறந்த நாள் விழாவில் அடிதடி !

திண்டுக்கல்: திண்டுக்கல்லில் ராகுல் பிறந்த நாள் விழா கொண்டாட்டத்தில் காங்கிரஸ் கோஷ்டியினர் தண்டபாணி எம்.எல்.ஏ.,முன்னிலையில் அடிதடியில் ஈடுபட்டனர்.

திண்டுக்கல்லில் ராகுல் பிறந்த நாள் விழாவை முன்னிட்டு காங்கிரஸ் கட்சியினர் பஸ் நிலையம் அருகே உள்ள காமராஜர் சிலைக்கு மாலை அணிவித்து இனிப்பு வழங்க ஏற்பாடு செய்திருந்தனர்.

அப்போது, வேடசந்தூர் எம்.எல்.ஏ., தண்டபாணி தனது ஆதரவாளர்களுடன் மாலை போட வந்த போது, அங்கு ராகுல் பேரவை மாவட்ட பொருளாளர் ராமசாமி தலைமையில் ஒரு கோஷ்டியினர் பேனர் கட்டி மாலை போட நின்று கொண்டிருந்தனர்.

அப்போது, எம்.எல்.ஏ.,ஆதரவாளர்கள் சிலர் ராமசாமியை பிடித்து கீழே தள்ளி, அவர்கள் கட்டியிருந்த பேனரை கிழித்து வீசினர்.

பின்பு, காமராஜர் சிலைக்கு மாலை அணிவித்து விட்டு, அருகிலிருந்த கடையில் டீ சாப்பிட சென்றனர்.

ராமசாமி தாக்கப்பட்ட அறிந்து அவரது ஆதரவாளர்கள் அங்கு சென்று டீ சாப்பிட்டுக் கொண்டிருந்த எம்.எல்.ஏ. ஆதரவாளர்களை தாக்கினர்.

இரண்டு கும்பலை சேர்ந்தவர்களும் ஒருவரை ஒருவர் தாக்கிக் கொண்டனர்.

அப்போது, மோதலில் காயமடைந்த ராமசாமி திண்டுக்கல் அரசு மருத்துவமனையில் சிகிச்சைக்காக அனுமதிக்கப்பட்டுள்ளார்.