திமுகவுக்குத் தாவிய பாஜக பெண் கவுன்சிலர்

சென்னை: சென்னை மாநகராட்சியின் 73வது வார்ட் பாஜக கவுன்சிலர் விஜயலட்சுமி, துணை முதல்வர் ஸ்டாலின் முன்னிலையில் திமுகவில் இணைந்தார்.

இதையடுத்து விஜய்லட்சுமியை மாநில பாஜக தலைவர் இல.கணேசன் கட்சியிலிருந்து நீக்கியுள்ளார்.

சென்னை மாநகராட்சி மேயர் சுப்பிரமணியன் முன்னிலையில் அண்ணா அறிவாலயத்தில் ஸ்டாலினை சந்தித்து திமுகவி்ல் இணைந்தார் விஜயலட்சுமி.

இந் நிலையில் இல.கணேசன் வெளியிட்டுள்ள அறிக்கையில்,

பாஜகவைச் சேர்ந்த மாநகர மான்ற உறுப்பினர் விஜயலட்சுமி கட்சி விரோத நடவடிக்கைகளில் தொடர்ந்து ஈடுபட்ட காரணங்களால் கட்சியின் அடிப்படை உறுப்பினர் பொறுப்பிலிருந்து நீக்கப்படுகிறார். மேலும் கட்சியில் அவர் வகித்து வந்த ஏனைய அனைத்துப் பொறுப்புகளிலிருந்தும் விடுவிக்கப்படுகிறார் என்று கூறப்பட்டுள்ளது.