7 வயது சிறுமிகளைப் பலாத்காரம் செய்த 12 வயது சிறுவன்

டெல்லி: 6 மற்றும் 7 வயதான அக்கா, தங்கையிடம் சில்மிஷத்தில் ஈடுபட்டுள்ளான் 12 வயது சிறுவன்.

டெல்லியில் இந்த கொடுமை நடந்துள்ளது.

டெல்லி புறநகரி்ல் உள்ளது அமான் விகார். இப்பகுதியைச் சேர்ந்த 12 வயது சிறுவன், அதே பகுதியைச் சேர்ந்த 6 மற்றும் 7 வயதாகும் அக்கா, தங்கையை தனது வீட்டுக்கு அழைத்துச் சென்றுள்ளான்.

அங்கு சென்று அந்த இரு சிறுமியரிடமும் செக்ஸ் சில்மிஷத்தில் ஈடுபட்டுள்ளான்.

அவனிடமிருந்து தப்பி வெளியே ஓடி வந்த இரு சிறுமியரும் தங்களது பெற்றோர்களிடம் கூறி அழுதுள்ளனர். இதையடுத்து போலீஸில் புகார் தரப்பட்டது.

விரைந்து வந்த போலீஸார் அந்த சிறுவனை அழைத்து விசாரித்தபோது தான் தவறு செய்ததை ஒத்துக் கொண்டான். இருப்பினும் அவன் மைனர் என்பதால் தங்களால் நடவடிக்கை எடுக்க முடியாது என்று கூறிய போலீஸார், சிறுவர் சீர்திருத்த வாரியம்தான் இதுகுறித்து நடவடிக்கை எடுக்க முடியும் என்று கூறிச் சென்று விட்டனர்.

இதையடுத்து பாதிக்கப்பட்ட சிறுமிகளின் பெற்றோர், சிறுவர் சீர்திருத்த வாரியத்தை அணுகவுள்ளனர்.