மாவட்டந்தோறும் அரசு கேபிள் டிவி கழக நெட்வொர்க்

சென்னை: தமிழக அரசின் எம்.எஸ்.ஓ.வான அரசு கேபிள் டிவி கழகம், மாவட்டந்தோறும் அடிப்படைக் கட்டமைப்பு வசதியை உருவாக்கவுள்ளது.

இதுகுறித்து தமிழக அரசின் தகவல் தொழில்நுட்பத்துறை கொள்கை விளக்கக் குறிப்பில் கூறப்பட்டிருப்பதாவது...

தஞ்சை, நெல்லை, கோவை, வேலூரில் அரசு கேபிள் டிவி கழகத்தின் டிஜிட்டல் தலைமையகம் அமைக்கப்பட்டுள்ளது.

இங்கு டிவி சிக்னல்களைப் பெற்று, பிராசஸ் செய்து அவற்றை கேபிள் டிவிக்கள் மூலம் ஒளிபரப்பு செய்யப்படும்.

அரசு கேபிள் டிவி கழகத்திற்கு அரசு இதுவரை பங்கு முதலீடாக ரூ. 25 கோடியும், கடனாக ரூ. 36.35 கோடியும் ஒதுக்கியுள்ளது என்று அதில் தெரிவிக்கப்பட்டுள்ளது.