தமிழகத்தில் 71 மாஜிஸ்திரேட்கள் திடீர் இடமாற்றம்!

மதுரை: தமிழகம் முழுக்க 71 மாஜிஸ்திரேட்கள் திடீர் இட மாற்றம் செய்யப்பட்டுள்ளனர்.

மதுரை மாவட்டம் உசிலம்பட்டி இரண்டாவது ஜுடிஷியல் மாஜிஸ்திரேட் சண்முகப்ரியா, மதுரை தாலுகா முன்சீப்பாகவும், மதுரை நான்காவது ஜுடிஷியல் மாஜிஸ்திரேட் வெங்கடேசன், உசிலம்பட்டி இரண்டாவது ஜுடிஷியல் மாஜிஸ்திரேட்டாகவும், ஊட்டி மாவட்ட முன்சீப் விஜயகுமார், கூடலூர் மாவட்ட முன்சீப் மற்றும் ஜுடிஷியல் மாஜிஸ்திரேட்டாகவும் இடமாற்றம்
செய்யப்பட்டுள்ளனர்.

உசிலம்பட்டி மாவட்ட முன்சீப் மற்றும் ஜுடிஷியல் மாஜிஸ்திரேட் ஜெயகுமாரி ஜெமி ரத்ரனா, மதுரை நான்காவது ஜுடிஷியல் மாஜிஸ்திரேட்டாகவும், மதுரை தாலுகா முன்சீப் செங்கமலச்செல்வன், உசிலம்பட்டி மாவட்ட முன்சீப் மற்றும் ஜுடிஷியல் மாஜிஸ்திரேட்டாகவும் பணிமாற்றம் செய்யப்பட்டுள்ளனர்.

சென்னை எழும்பூர் 16 வது பெருநகர மாஜிஸ்திரேட் ஜெயந்தி, தமிழ்நாடு மாநில ஜுடிஷியல் அகாடமி உதவி இயக்குனராகவும், முன் அந்த பதவியில் இருந்த சுதா, காஞ்சிபுரம் முதலாவது ஜுடிஷியல் மாஜிஸ்திரேட்டாகவும், பூந்தமல்லி கூடுதல் மாவட்ட முன்சீப் கோபிநாத், சென்னை சிட்டி சிவில் நீதிமன்ற பதிவாளராகவும், இப் பதவியில் இருந்த ஜெயமங்களம், சங்கராபுரம் மாவட்ட முன்சீப்பாகவும்
மாற்றப்பட்டுள்ளனர்.

மாநிலம் முழுவதும் மொத்தம் 71 மாஜிஸ்திரேட்கள், முன்சீப்கள் ஆகியோர் இடமாற்றம் செய்யப்பட்டுள்ளனர்.