பணவீக்கம் லேசாக உயர்ந்தது!

டெல்லி: ஜூலை 11ம் தேதியுடன் முடிந்த வாரத்திற்கான இந்தியாவின் பணவீக்க விகிதம் -1.17 சதவீதமாக உயர்ந்திருக்கிறது.

அதற்கு முந்தைய வாரத்தில் -1.21 சதவீதமாக இருந்தது. உணவுப் பொருட்கள், மீன், காய்கறிகள் முதலானவற்றின் விலை இந்த வாரத்தில் உயர்ந்துள்ளது. கச்சா பட்டு, எரிபொருள்கள் போன்றவற்றின் விலையும் இந்த வாரத்தில் உயர்ந்துள்ளது.

மொத்த விற்பனை விலை அட்டவணை அடிப்படையில் கணக்கிடப்படும் இந்தியாவின் பணவீக்க விகிதம், கடந்த சில வாரங்களாகவே மைனஸ் நிலையில்தான் இருந்து வருகிறது. கடந்த வருடம் இதே காலகட்டத்தில் பணவீக்க விகிதம் 12.13 சதவீதமாக இருந்திருக்கிறது.