லாஸ் ஏஞ்சலெஸில் லேசான நிலநடுக்கம்

லாஸ் ஏஞ்சலெஸ்: அமெரிக்காவின் லாஸ் ஏஞ்சலெஸ் நகரில் இன்று காலை லேசான நிலநடுக்கம் ஏற்பட்டது.

உள்ளூர் நேரப்படி இன்று அதிகாலை 1.53 மணிக்கு இந்த நிலநடுக்கம் ஏற்பட்டது. இது ரிக்டர் அளவுகோலில் 3.3 ஆக இருந்தது.

போன்டனாவுக்கு வடக்கு வட மேற்கிலும், லாஸ் ஏஞ்சலெஸ் சிவிக் மையத்திற்கு கிழக்கிலும் இதன் மையம் இருந்தது.

இந்த நிலநடுக்கத்தால் எந்த பாதிப்பும் வராது என்று அமெரிக்க புவியியல் ஆய்வு மையம் தெரிவித்துள்ளது. நிலநடுக்கத்தால் ஏற்பட்ட சேதங்கள் குறித்த தகவல்கள் இல்லை.

இந்த வாரத் தொடக்கத்தில், மெக்சிகோவின் கலிபோர்னியா வளைகுடா பகுதியில் நிலநடுக்கம் ஏற்பட்டது. இந்த நிலையில் அமெரிக்காவைத் தாக்கியுள்ளது குறிப்பிடத்தக்கது.