ஸ்ரீவைகுண்டம்:அடிப்படை வசதிகளுக்கு பாடுபடுவேன்- சுடலையாண்டி

ஸ்ரீவைகுண்டம்: ஸ்ரீவைகுண்டம் தொகுதியில் அடிப்படை வசதிகளை செய்து கொடுப்பேன் என்று வெற்றி பெற்ற காங் வேட்பாளர் சுடலையாண்டி தெரிவித்துள்ளார்.

ஸ்ரீவைகுண்டம் தொகுதி இடைத் தேர்தலில் காங்கிரஸ் வேட்பாளர் சுடலையாண்டி 31,359 வாக்குகள் வித்தியாசத்தில் வெற்றி பெற்றார். இதையடுத்து அப்பகுதியில் காங்கிரஸ் தொண்டர்கள் பட்டாசு வெடித்து மகிழ்ச்சியை கொண்டாடினர்.

வெற்றி குறித்து சுடலையாண்டி நிருபர்களிடம் கூறுகையில்,

இது மத்திய, மாநில அரசுகளின் சாதனைக்கு கிடைத்த வெற்றி. ஸ்ரீவைகுண்டம் பகுதி மக்களின் அடிப்படை தேவைகள் மற்றும் உரிமைகளை பெற்று தர விரைந்து நடவடிக்கை எடுப்பேன்.

எனது வெற்றிக்கு உறுதுணையாக இருந்த முதல்வர், துணை முதல்வர், மத்திய அமைச்சர் அழகிரி, தமிழக காங்கிரஸ் தலைவர் தங்கபாலு, அமைச்சர்கள் கீதா ஜீவன், சுரேஷ்ராஜன், தங்கம் தென்னரசு, பூங்கோதை, மாவட்ட செயலாளர்கள் என் பெரியசாமி, மற்றும் கூட்டணி கட்சி தலைவர்கள், தொண்டர்கள் அனைவருக்கும் நன்றியை தெரிவித்துக் கொள்கிறேன் என்றார்.