சன் தெலுங்கு சிஓஓ சஞ்சய் ரெட்டி!

சென்னை: சன் குழும தெலுங்கு சேனல்களின் மூத்த துணைத் தலைவராக (Senior Vice President) சஞ்சய் ரெட்டி நியமிக்கப்பட்டுள்ளார். இவர் இதற்கு முன் ஜீ குழுமத்தின் சிஓஓவாக இருந்தார்.

தெலுங்கில் சன் குழுமத்துக்கு ஜெமினி டிவி, தேஜா, ஜெமினி நியூஸ், ஜெமினி மியூசிக், நவ்வுலு மற்றும் குஷி டிவி ஆகிய 6 சேனல்கள் உள்ளன.

இந்த சேனல்களின் சிஓஓவாக சஞ்சய் ரெட்டி செயல்படுவார் என சன் குழு தலைவர் கலாநிதி மாறன் அறிவித்துள்ளார்.

டைம்ஸ் ஆப் இந்தியா, சிஎன்பிசி-டிவி18, சிட்டி கேபிள், இஎஸ்பிஎன், ஸ்டார் ஸ்போர்ட்ஸ், வால்ட் டிஸ்னி டெலிவிஷன் - இந்தியா, சோனி என பல நிறுவனங்களில் இதற்கு முன் பணியாற்றியவர் சஞ்சய் ரெட்டி.

இவர் சன் குழுமத்தின் ஹைதராபாத் அலுவலகத்தை மையமாகக் கொண்டு இயங்குவார்.