For Daily Alerts
Just In
அமைச்சர் ராமசந்திரனுக்கு மாரடைப்பு
நீலகிரி: நீலகிரி மாவட்ட திமுக செயலாளரும், கதர் துறை அமைச்சருமான ராமசந்திரனுக்கு மாரடைப்பு ஏற்பட்டது.
ஊட்டியில் நடைபெற்ற அண்ணா நூற்றாண்டு விழாவில் சிறப்பு விருந்தினராக கலந்து கொண்டு அவர் பேசினார். பின்னர் விழாவில் பங்கேற்றவர்களுக்கு பரிசு பொருட்களை வழங்கி கொண்டிருந்தார்.
அப்போது அவருக்கு திடீரென உடல் முழுவதும் வியர்க்க துவங்கியது. இதையடுத்து அவர் தனக்கு நெஞ்சு வலிப்பதாக அருகிலிருந்த கட்சி பிரமுகர்களிடம் தெரிவித்தார்.
இதையடுத்து விரைந்து செயல்பட்ட அவர்கள் அமைச்சரை அருகிலிருந்த தனியார் மருத்துவமனைக்கு அழைத்து சென்றனர்.
அவரை பரிசோதித்த டாக்டர்கள் அவருக்கு லேசான மாரடைப்பு ஏற்பட்டிருப்பதை உறுதி செய்தனர். பின்னர் டாக்டர்களி்ன் அறிவுரையின் பேரில் வீடு திரும்பிய அவர் குன்னூரில் உள்ள தனது இல்லத்தில் ஓய்வெடுத்து வருகிறார்.
Comments
Story first published: Monday, September 14, 2009, 11:26 [IST]