சேவை வரி, சுங்க வரியிலிருந்து விலக்கு - சிறு தொழில் துறை கோரிக்கை

திருச்சி: சிறு மற்றும் குறு தொழில் பிரிவுகளுக்கு சுங்க வரி, சேவை வரி, தொழிற்சாலைச் சட்டம், இஎஸ்ஐ மற்றும் சேம நல நிதியிலிருந்து விலக்கு அளிக்க வேண்டும் என மத்திய அரசுக்கு திருச்சி மாவட்ட சிறு மற்றும் குறு தொழிற்சாலைகள் சங்கம் கோரிக்கை விடுததுள்ளது.

இதுகுறித்து சங்கத்தின் 42வது வருடாந்திர பொதுக்குழுக் கூட்டத்தில் தீர்மானம் நிறைவேற்றப்பட்டது. இதுகுறித்து சங்கத் தலைவர் ஸ்ரீதரன் கூறுகையில், சிறு தொழில் பிரிவின் கீழ் வரும் சிறப்பு தயாரிப்புப் பொருட்களின் பட்டியலில் குறைந்தது ஐந்து ஆண்டுகளுக்கு மத்திய அரசு எந்த மாற்றத்தையும் மேற்கொள்ளக் கூடாது.

அடுத்த ஆண்டு ஏப்ரல் மாதம் அமல்படுத்தப்படவுள்ள சரக்கு மற்றும் சேவைச் சட்டத்திலிருந்து சிறு மற்றும் குறு தொழிலுக்கு விலக்கு அளிக்க வேண்டும்.

சிறு மற்றும் குறு தொழில் கூடங்களுக்கு குறைநத் வட்டியுடன் கடன் உதவியை வழங்க அரசு நடவடிக்கை எடுக்க வேண்டும். தற்போது ஜவுளித்துறையில் இதுபோன்ற கடன் வசதி உள்ளது.

திருச்சியைத் தலைமையிடமாகக் கொண்டு தனியாக இஎஸ்ஐ பிராந்திய அலுவலகத்தை அமைக்க நடவடிக்கை எடுக்க வேண்டும் என்றார்.