தொடர்ந்து உயரும் பணவீக்கம்!

டெல்லி: இந்தியப் பணவீக்கத்தின் அளவு மேலும் உயர்வடைந்துள்ளது. கடந்த வாரம் 0.12 சதவிகிதமாக இருந்த பணவீக்கம், இந்த வாரம் 0.37 சதவிகிதமாக உயர்ந்துள்ளது.

தொடர்ந்து 13 வாரங்கள் பணவீக்கம் மைனஸிலேயே இருந்தது. கடந்த வாரம்தான் அது ப்ளஸுக்கு மாறியது. தொடர்ந்து அத்யாவசியப் பொருட்களின் விலைகள் உயர்ந்து வருவதால் பணவீக்கமும் உயர்வைச் சந்தித்துள்ளது.

கடந்த ஆண்டு இதே காலகட்டத்தில் 12.42 சதவிகிதமாக இருந்தது பணவீக்கம் என்பது குறிப்பிடத்தக்கது.

வெங்காயம், பருப்பு வகைகள், பால் பொருட்கள், கோதுமை போன்றவற்றின் விலைகளில் கணிசமாக உயர்ந்துள்ளன.

இந்தக் காலாண்டின் இறுதியில் 3 முதல் 5 சதவிகிதம் வரை பணவீக்க அளவில் உயர்வு ஏற்படும் என்று பொருளாதார அறிஞர்கள் கருத்து தெரிவித்துள்ளனர்.