குடிநீர் வாரியப் பணியாளர்களுக்கு 8.33% சதவீத போனஸ்

சென்னை: தமிழ்நாடு குடிநீர் வடிகால் வாரியப் பணியாளர்களுக்கு 8.33 சதவீதம் போனஸ் வழங்கப்படுகிறது.

இது குறித்து தமிழக அரசு வெளியிட்டுள்ள செய்திக் குறிப்பில்,

தமிழ்நாடு குடிநீர் வடிகால் வாரியப் பணியாளர்களில் மாதம் 9300-34800 ஊதியத்துடன், ரூ.4300 தர ஊதியம் பெறும் பதவிகளில் பணி புரியும் “சி" மற்றும் “டி" பிரிவு பணியாளர்களுக்குப் போனஸ் சட்டத்தின்படி சம்பள உச்சவரம்பிற்கு விலக்களித்து 2008-2009ம் ஆண்டிற்கான போனஸ் வழங்கிட தமிழக அரசு முடிவு செய்துள்ளது.

இதன்படி தமிழ்நாடு குடிநீர் வடிகால் வாரியப் பணியாளர்களுக்கு 8.33 சதவீதம் போனஸ் வழங்கிட முதல்வர் கருணாநிதி ஆணையிட்டுள்ளார்.

இந்த ஆணையின்படி, தமிழ்நாடு குடிநீர் வடிகால் வாரியத்தில் பணிபுரியும் 5,487 பணியாளர்களுக்கு மொத்தம் ரூ. 1.93 கோடி போனஸ் வழங்கப்படும் என்று கூறப்பட்டுள்ளது.