டாப் 100 பல்கலைக்கழகங்கள்: இந்தியாவுக்கு இடம் இல்லை!

லண்டன்: உலகின் டாப் 100 பல்கலைக் கழகங்களில் ஒன்றில் கூட இந்தியாவுக்கு இடமில்லை என்று சமீபத்திய ஆய்வுகள் தெரிவிக்கின்றன.

உலகின் தலைசிறந்த முதல் 100 பல்கலைக் கழகங்களின் பட்டியலை க்யூ.எஸ். டைம்ஸ் எனும் அமைப்பு வெளியிட்டுள்ளது.

மொத்தம் 90 ஆயிரம் கல்வி நிறுவனங்கள் இந்த ஆய்வுக்கு எடுத்துக் கொள்ளப்பட்டன. இவற்றில் உள்ள உயர்கல்வி ஆராய்ச்சிக்கான வசதிகள், படிப்புகள், மாணவர்களின் முனைப்பு, ஒழுக்கம், ஆசிரியர்களின் தரம், சர்வதேச அங்கீகாரம் என பல்வேறு விஷயங்களின் அடிப்படையில் இந்த தரவரிசைப் பட்டியல் தயாரிக்கப்பட்டுள்ளது.

இந்தப் பட்டியலில் முதலிடத்தில் உள்ளது அமெரிக்காவின் ஹாவர்ட் பல்கலைக் கழகம். இங்கிலாந்தின் கேம்பிரிட்ஜுக்கு இரண்டாவது இடமும், அமெரிக்காவின் யேல் பல்கலைக் கழகத்துக்கு மூன்றாவது இடமும் கிடைத்துள்ளன.

டாப் 100 பல்கலைக்கழகங்கள் பட்டியலில் டாப் 10 இடங்களைப் பிடித்துள்ளவை:

1.ஹாவர்ட் (அமெரிக்கா)
2.கேம்பிரிட்ஜ் (பிரிட்டன்)
3.யேல் (அமெரிக்கா)
4.யு.சி.எல், லண்டன் (பிரிட்டன்)
5.இம்பீரியல் கல்லூரி, லண்டன் மற்றும்
ஆக்ஸ்ஃபோர்டு (இரண்டுக்கும் 5-வது இடம்)
6.சிகாகோ (அமெரிக்கா)
7.பிரின்ஸ்டன் (அமெரிக்கா)
8.எம்.ஐ.டி., மாஸெசூட்ஸ் (அமெரிக்கா)
9.கலிஃபோர்னியா இன்ஸ்டிட்யூட் ஆஃப் டெக்னாலஜி (அமெரிக்கா)