தங்கம் விலை ரூ.12,240த்தைத் தொட்டது!

சென்னை: தங்கத்தின் விலை இன்று பவுனுக்கு ரூ.136 உயர்ந்துள்ளது. இதனால் பவுன் விலை ரூ. 12,240 ஆக உயர்ந்து மக்களை அதிர்ச்சிக்குள்ளாக்கியுள்ளது.

தங்கத்தின் விலை முன்னெப்போதும் இல்லாத உயர்வைச் சந்தித்து வருகிறது.

கடந்த ஆண்டு இறுதியில் ஒரு பவுன் தங்கம் ரூ.10,000 ஆக இருந்தது. இந்த ஆண்டு அது ரூ.12,000 என்று புதிய உயரத்தைத் தொட்டுள்ளது.

சென்னையில் நேற்று முன்தினம் ஒரு கிராம் தங்கம் ரூ.1,491க்கு விற்பனையானது. ஒரு பவுன் ரூ.11,928 ஆக இருந்தது.

நேற்று திங்கள்கிழமை மட்டுமே கிராமுக்கு ரூ.22 அதிகரித்து ரூ.1,513க்கு விற்பனையானது. பவுனுக்கு ரூ.176 அதிகரித்து உச்சக்கட்டமாக ரூ.12,104க்கு விற்பனை செய்யப்பட்டது.

இந் நிலையி்ல் இன்று ஒரு கிராம் தங்கம் விலை ரூ.1,530 ஆக உயர்ந்தது. இதனால் ஒரு பவுன் தங்கம் ரூ. 12,240க்கு ஆனது.

வரும் மாதங்களில் கிறிஸ்துமஸ், புத்தாண்டு, பொங்கல் என பண்டிகைகள் வரிசைகட்டி நிற்பதால் மேலும் தங்கத்தின் விலை உயரும்.