தமிழக பள்ளிகளுக்கு கேபிள் டிவி இணைப்பு!

மதுரை: மாநிலம் முழுவதும் அனைத்து பள்ளிகளுக்கும் கேபிள் இணைப்பு வழங்க அரசு உத்தரவிட்டுள்ளது.

இது தொடர்பாக அனைவருக்கும் கல்வித் திட்ட இயக்குனர் தனது உத்தரவில் கூறியிருப்பதாவது:

தமிழகத்தில் அனைவருக்கும் கல்வி இயக்கம் மூலம் பள்ளிகளுக்கு கலர் டிவி மற்றும் டிவிடி பிளேயர் வழங்கப்பட்டு வருகிறது.

பொதிகை டிவியில் ஒளிபரப்பாகும் காண்போம், கற்போம் நிகழ்ச்சியை மாணவ, மாணவியருக்கு காட்டுமாறு பள்ளி நிர்வாகத்திற்கு அறிவுரை வழங்கப்படுள்ளது.

இதற்கான செலவுகளை பள்ளிகளுக்கு வழங்கப்பட்ட மானியத்தில் இருந்து பெற்றுக் கொள்ளலாம்.

தினமும் எந்த வகுப்பு மாணவ, மாணவியர் எத்தனை பேருக்கு, காண்போம், கற்போம் நிகழ்ச்சி காண்பிக்கப்பட்டது என்ற விவரத்தை பதிவு செய்ய வேண்டும் என்று கூறப்பட்டுள்ளது.