பயனிகளுக்கென தனி இதழ்- ரயில்வே திட்டம்

டெல்லி: தொலைதூர ரயில்களில் செல்லும் பயணிகள் பயனுள்ள வகையி்ல் பொழுதை கழிப்பதற்கு வசதியாக சிறப்பு செய்தி இதழ் வழங்குவது பற்றி ரயில்வே துறை பரிசீலித்து வருகிறது.

புதிதாக உருவாக்கப்பட உள்ள இந்த இதழின் பொருளடக்கம், பக்க அளவு, வடிவமைப்பு போன்றவை ரயில் பயணிகளின் எதிர்பார்ப்புக்கு ஏற்றவாறே அமையும் என்று ரயில்வே வட்டார தகவல்கள் தெரிவிக்கின்றன.

இதழுகான பதிப்பகத்தாரை தேர்வு செய்ய விரைவில் டெண்டர் கோரப்பட உள்ளது. முதல்கட்டமாக ராஜ்தானி, சதாப்தி ரயில்களில் இந்த இதழ் விநியோகிக்கப்படும்.

போதிய அளவில் இதழுக்கு விளம்பரம் கிடைக்கும் என்பதால் விநியோகத்தை விரிவுபடுத்துவதில் பிரச்னை இருக்காது என கருதப்படுகிறது.

ரயில்வே துறை தனியாக தொலைக்காட்சியை ஆரம்பிக்கலாம் என்று ஏற்கெனவே ரயில் பயணிகள் வசதிக்கான கமிட்டி பரிந்துரைத்துள்ளது குறிப்பிடத்தக்கது.