மதுரையில் அமையும் சூப்பர் ஸ்பெஷாலிட்டி மருத்துவமனை

சேலம்: மதுரையில் ரூ.150 கோடி செலவில் சூப்பர் ஸ்பெஷாலிட்டி மருத்துவமனை அமைக்கப்படும் என்று மத்திய சுகாதாரத்துறை இணை அமைச்சர் காந்திசெல்வன் தெரிவித்துள்ளார்.

சேலத்தில், 140 கோடி ரூபாய் மதிப்பில், அதிநவீன பலசிறப்பு மருத்துவமனை கட்டுமானப் பணிகள் நடைபெற்று வருகின்றன.

மத்திய சுகாதார நலத்துறை இணை அமைச்சர் காந்திசெல்வன், தமிழக வேளாண் துறை அமைச்சர் வீரபாண்டி ஆறுமுகம், மக்கள் நல்வாழ்வுத்துறை அமைச்சர் எம்.ஆர்.கே. பன்னீர்செல்வம் ஆகியோர், சேலம் மருத்துவமனை கட்டுமானப் பணிகளை பார்வையிட்டு ஆய்வு செய்தனர்.

அப்போது, மத்திய அமைச்சர் காந்திசெல்வன் செய்தியாளர்களிடம் கூறுகையில், சேலம் மருத்துவமனை மார்ச் மாதத்துக்குள் பணிகள் முடிக்கப்பட்டு, முதல்வர் கருணாநிதியால் திறந்து வைக்கப்படும். மதுரையில் 150 கோடி ரூபாய் செலவில், சூப்பர் ஸ்பெஷாலிட்டி மருத்துவமனை அமைக்கப்பட உள்ளது. அதற்கான இடம் தேர்வு செய்யப்பட்டுள்ளது. பணிகள் விரைவில் துவங்கப்படும் என்றார்.