தங்கம் விலை: சவரனுக்கு ரூ 128 குறைந்தது!

சென்னை: ஒரே மாதத்தில் சவரனுக்கு ரூ 1100 க்கும் மேல் விறுவிறுவென உயர்ந்த தங்கத்தின் விலை நேற்று முதல் முறையாகக் குறைந்தது. நேற்று சவரன் ரூ 12944-க்கு விற்கப்பட்டது.

கடந்த சில நாட்களாக கடுமையாக அதிகரித்து வருகிறது. நேற்று முன்தினம் தங்கம் விலை வரலாறு காணாத விலையில் உயர்ந்து ஒரு கிராம் ரூ.1,627-க்கும், ஒரு பவுன் 13 ஆயிரத்து 16 ரூபாய்க்கும் விற்கப்பட்டது.

இந்த நிலையில், நேற்று தங்கத்தின் விலை சற்று குறைந்துள்ளது. அதாவது, ஒரு கிராம் 1618-க்கும், ஒரு பவுன் ரூ.12 ஆயிரத்து 944-க்கும் விற்கப்பட்டது. ஒரே நாளில் பவுனுக்கு ரூ.72 குறைந்துள்ளது.

இன்றும் தங்கத்தின் விலை ஓரளவு குறைந்தது. சவரனுக்கு ரூ 56 குறைந்து ரூ 12888 ஆகவும், கிராம் ரூ 1611 ஆகவும் விற்பனையாகிறது.

இந்த இரு தினங்களில் ரூ 128 குறைந்துள்ளது சவரனுக்கு.