தெற்கு அட்லான்டிக்கில் நிலநடுக்கம்-சுனாமி வாய்ப்பு

கிங் எட்வர்ட் பாயின்ட்: தென் அமெரிக்காவுக்கு தென் கிழக்கே அட்லான்டிக் கடல் பகுதியில் உள்ள தெற்கு ஜியார்ஜியா மற்றும் தெற்கு சாண்ட்விச் தீவுகளுக்கு அருகே இன்று காலை சக்தி வாய்ந்த பூகம்பம் ஏற்பட்டுள்ளது.

ரிக்டர் அளவில் 6.7 என பதிவாகியுள்ள இந்த பூகம்பத்தால் பேரழிவு அபாயம் இல்லை என்றாலும், சுனாமி அலைகள் உருவாக வாய்ப்புள்ளதாக பசிபிக் சுனாமி எச்சரிக்கை மையம் தெரிவித்துள்ளது.

இதற்கிடையே, தைவானின் கிழக்கு கடலோரம் அமைந்துள்ள இலான் நகரில் இருந்து சுமார் 31 கி.மீ தொலைவை மையமாகக் கொண்டு ஏற்பட்ட இந்த பூகம்பம், ரிக்டர் அளவில் 5.5 என பதிவாகியிருந்தது.

தைவான் நேரப்படி காலை 3.27 மணிக்கு பூகம்பம் உணரப்பட்டதாக தைவான் மத்திய வானிலை ஆய்வு மையம் தெரிவித்துள்ளது.

இந்த நிலநடுக்கத்தால் சேதாரங்களோ இதர பாதிப்போ ஏதும் ஏற்பட்டதாக உடனடி தகவல்கள் இல்லை.