அழகியுடன் குத்தாட்டம் போட்ட பீகார் ஐ.ஜ.தள எம்.எல்.ஏ.

டெல்லி: பீகார் மாநிலத்தில் ஆளும் ஐக்கிய ஜனதாதள எம்.எல்.ஏ. ஒருவர் அழகியுடன் குத்தாட்டம் போட்ட செயல் மாநில முதல்வர் நிதீஷ் குமாருக்கு பெரும் தர்மசங்கடத்தை ஏற்படுத்தியுள்ளது.

அந்த எம்.எல்.ஏவின் பெயர் ஷியாம் பகதூர் சிங். ஜிரதேய் என்ற தொகுதியைச் சேர்ந்தவர்.

இவர் பாட்னாவில் உள்ள தனது இல்லத்தில் பார்ட்டி ஒன்றுக்கு ஏற்பாடு செய்திருந்தார். கூடவே தொண்டர்களை குஷிப்படுத்துவதற்காக அழகிகள் சிலரை அழைத்து வந்து டான்ஸ் ஆட வைத்தார்.கூடவே இவரும் சேர்ந்து ஆடியுள்ளார்.

இதுதொடர்பான புகைப்படங்களும், வீடியோவும் வெளியாகி இப்போது ஐக்கிய ஜனதாதளத்தின் மானம் கப்பலேறி விட்டது.

ஒரு அழகியுடன் படு ஆபாசமான உடல் நெளிவுகளுடன் ஷியாம் பகதூர் சிங் ஆடியுள்ளார். இதனால் பீகார் எதிர்க்கட்சிகள் நிதிஷ் குமாருக்கு எதிராக வலுவான ஆயுதம் கிடைத்த மகிழ்ச்சியுடன் இந்த விவகாரத்தை கையில் எடுத்துக் கொண்டு கிளம்பி விட்டன.