டீசல் விலை உயர்வை சமாளிக்க ஆர்டினரி பஸ்களுக்குப் பதில் சொகுசு பஸ்களை அதிகரிக்க திட்டம்

சென்னை: டீசல் விலை உயர்வு சமாளிக்க, பயணிகள் டிக்கெட் கட்டணத்தை மறைமுகமாக உயர்த்த தமிழக அரசின் போக்குவரத்துத் துறை திட்டமிட்டுள்ளதாக தெரிகிறது.

அதாவது சாதாரணப் பேருந்துகளின் எண்ணிக்கையைக் கணிசமாக குறைத்து விட்டு அதற்குப் பதில் கூடுதல் கட்டணத்துடன் கூடிய சொகுசு டீலக்ஸ் பஸ்களை அதிகரிக்க திட்டமிடப்பட்டுள்ளதாம்.

சென்​னை​யில் மாந​கர பஸ் சேவை 50 கிலோ மீட்​டர் சுற்​ற​ள​க்கு 638 வழித்​த​டங்​க​ளு​டன் விரி​வாக்​கம் செய்​யப்​பட்​டுள்​ளது.​தின​மும் பல்​வேறு இடங்​க​ளுக்கு இயக்​கப்​ப​டும் 3,267 மாந​கர பஸ்​க​ளில் செல்​லும் பய​ணி​க​ளின் எண்​ணிக்கை 54.50 லட்​ச​மாக அதி​க​ரித்​துள்​ளது.​

இதன் மூலம் மாந​கர போக்குவரத்துக் கழ​கத்​தின் தின​சரி வரு​வாய் ரூ.​ 2.2 கோடி​யாக அதி​க​ரித்​துள்​ளது.​ ​ சாதா​ரண மற்​றும் எல்.எஸ்.எஸ்.,​​ தொடர் ​(வெஸ்​டி​புள்)​,​​ தாழ்​தள சொகுசு பஸ்​கள்,​​ வால்வோ' ஏ.சி.​ பஸ்​கள் என மாந​கர பஸ்​க​ளின் மொத்த எண்​ணிக்கை இப்​போது 3,267 ஆக அதி​க​ரித்​துள்​ளது.​​

சாதா​ரண பஸ்​களில் ஒரு குறைந்தபட்சம் ரூ.​ 2 முதல் 9.50 வரை கட்டணம் வசூலிக்கப்படுகிறது.

எல்.எஸ்.எஸ். எனப்படும் குறிப்பிட்ட நிறுத்தங்களில் மட்டும் நின்று செல்லும் பேருந்துகளில், சாதா​ரண பஸ் கட்​ட​ணத்தை விட 50 பைசா மட்​டுமே ​கூடு​த​லாக வசூ​லிக்க வேண்​டும்.​ ஆனால்,​​ இப்​போது முத​லா​வது ஸ்டே​ஜுக்கு ரூ.​ 2.50ல் இருந்து தொடங்கி கடைசி ஸ்டே​ஜுக்கு ரூ.​ 11.50 வரை கட்​ட​ணம் வசூ​லிக்​கப்​ப​டு​கி​றது.​

எம் சேவை பேருந்துகளில் குறைந்தபட்சமே ரூ. 3 கட்டணமாக வசூலிக்கப்படுகிறது. அதிகபட்சமாக ரூ. 15 வரை உள்ளது.

எக்ஸ்​பி​ரஸ் பஸ்​களில் ரூ. 3 தொடங்கி ரூ. 19 வரை வசூலிக்கப்படுகிறது.

சொகுசு பஸ்​களில் குறைந்தபட்சம் 5 ரூபாயும், அதிகபட்சமாக ரூ. 33ம் வசூலிக்கப்படுகிறது.

குளிர்சாதன வசதி கொண்ட பேருந்துகளில் 10 ரூபாய் தொடங்கி 50 ரூபாய் வரை வசூலிக்கிறார்கள். சென்னையிலிருந்து காஞ்சிபுரம் வரையிலான ஏசி பஸ்சுக்குக் கட்டணம் ரூ. 75 ஆகும்.

இதுதவிர இரவு நேர பேருந்துகளில், சாதாரண பேருந்துகளின் கட்டணத்தை விட 2 மடங்கு அதிகம் வசூலிக்கப்படுகிறது.

தற்போது டீசல் விலை உயர்ந்துள்ளது. ஆனால் பயணிகள் கட்டணம் அதிகரிக்கப்படாது என்று போக்குவரத்துத் துறை அமைச்சர் அறிவித்துள்ளார். அதேசமயம், டீசல் விலை உயர்வை சமாளிக்கும் வகையில், சாதாரண பஸ்களின் எண்ணிக்கையைக் குறைத்து விட்டு, எம் மற்​றும் எல்.எஸ்.எஸ்.​ சேவை பஸ்​களை படிப்​ப​டி​யாக சொகுசு பஸ்​க​ளாக மாற்றி,​​ அவற்​றின் எண்​ணிக்​கையை 80 சத​வீ​த​மாக அதி​க​ரிக்​க திட்​ட​மி​டப்​பட்​டுள்​ளது.