சானியா திருமணம்: இந்து மக்கள் கட்சி போராட்டம்!

கோவை: டென்னிஸ் வீராங்கனை சானியா மிர்சாவுக்கு எதிராக கோவையில் தடையை மீறி ஆர்ப்பாட்டத்தில் ஈடுபட்ட இந்து மக்கள் கட்சியைச் சேர்ந்த 19 பேர் கைது செய்யப்பட்டனர்.

பாகிஸ்தான் கிரிக்கெட் வீரர் சோயிப் மாலிக்கை சானியா மிர்சா திருமணம் செய்யவுள்ளார்.

சானியாவின் இந்த முடிவுக்கு எதிர்ப்புத் தெரிவித்து கோவை காந்திநகர் தமிழ்நாடு ஹோட்டல் முன் இந்து மக்கள் கட்சியைச் சேர்ந்தவர்கள் இன்று காலை தடையை மீறி ஆர்ப்பாட்டத்தில் ஈடுபட்டனர்.

பாகிஸ்தானியரை மணக்கும் சானியாவுக்கு வழங்கிய விருதுகள் மற்றும் நிதி உதவிகளை மத்திய அரசு திரும்பப் பெற வேண்டும் என அவர்கள் கோஷமிட்டனர்.

சானியாவை நாடு கடத்த வேண்டும் என்றும் ஆர்ப்பாட்டத்தில் ஈடுபட்டவர்கள் கோஷம் எழுப்பினர். சானியாவின் உருவப் படங்களையும் ஆர்ப்பாட்டக்காரர்கள் சேதப்படுத்தினர்.

இதையடுத்து, ஆர்ப்பாட்டத்தில் ஈடுபட்ட 19 பேரை போலீஸார் கைது செய்தனர்.