தமிழக சாலை மேம்பாட்டுக்கு கூடுதலாக ரூ.239 கோடி உலக வங்கி கடன்

சென்னை: தமிழகத்தின் சாலைகள் மேம்பாட்டுத் திட்டத்துக்காக ரூ.238.29 கோடி வழங்க உலக வங்கி ஒப்புதல் அளித்துள்ளது.

இந்த கடன் மூலம் தமிழகத்தில் மொத்தம் 1,380 கிமீ தொலைவு சாலைகள் மேம்படுத்தவும், 720 கிமீ தொலைவு சாலைகள் இருவழிப்பாதையாகவும் மாற்றப்படும்.

கடந்த 2003ம் ஆண்டு அக்டோபர் 31ம் தேதி, தமிழக சாலைகள் திட்டத்திற்காக ரூ.1,635 கோடியை உலக வங்கி வழங்கி உள்ளது. இந்த தொகையில் தற்போது கூடுதலாக தற்போது 50.7 மில்லியன் டாலர் அளிக்கப் படுவதாக உலக வங்கி தெரிவித்துள்ளது.

சாலை அமைக்க பயன்படும் பொருட்களுக்கான விலை அத‌ிகரித்து இருப்பதன் காரணமாக தற்போது கூடுதல் கடன் வழங்கப்பட்டு இருப்பதாக தெரிவிக்கப்பட்டுள்ளது.

இத்திட்டத்தின் மூலம் தற்போது 850 கிமீ தொலைவு சாலைகள் மேம்படுத்தப்பட்டுள்ளதாகவும், 570 கிமீ தொலைவு சாலைகள் இருவழிப்பாதையாக்கப்பட்டு உள்ளதாகவும் உலக வங்கி போக்குவரத்து திட்டங்கள் தலைவர் பிரதாப் தெரிவித்தார்.