சென்னை மெட்ரோ ரயில் பணியில் விபரீதம்- ராட்சத கிரேன் விழுந்தது

சென்னை: சென்னையில் மெட்ரோ ரயில் திட்டப் பணியின்போது ராட்சத கிரேன் கீழே விழுந்தது. அதிர்ஷ்டவசமாக இதனால் பெரும் அசம்பாவிதம் ஏதும் ஏற்படவில்லை.

சென்னையில் மெட்ரோ ரயில் திட்டப் பணிகள் ஜரூராக நடந்து வருகின்றன. வடபழனி 100 அடி சாலையில், சாலையில் தூண்கள் அமைக்கும் பணி நடந்து வருகிறது.

இன்று காலை தூண் அமைக்கும் பணியில் ராட்சத கிரேன் ஒன்று ஈடுபடுத்தப்பட்டிருந்தது. அப்போது எதிர்பாராதவிதமாக கிரேன் பலத்த சப்தத்துடன் சரிந்து விழுந்த்து.

அதிர்ஷ்டவசமாக கிரேன், வாகனங்கள் செல்லும் சாலைப் பகுதியில் விழாமல், பணி நடந்து வந்த பகுதிக்குள்ளேயே விழுந்த்தால் பெரும் அசம்பாவிதம் தவிர்க்கப்பட்டது.