தங்கம் விலை சவரனுக்கு ரூ 144 உயர்வு!

சென்னை: தங்கத்தின் விலை தொடர்ந்து உயர்ந்து வருகிறது. நேற்று ஒரே நாளில் சவரனுக்கு ரூ 144 உயர்ந்தது.

நேற்று முன்தினம் 1 கிராம் தங்கம் ரூ.1,603-க்கும், 1 பவுன் தங்கம் ரூ.12 ஆயிரத்து 824-க்கும் விற்பனை செய்யப்பட்டது.

இந்த நிலையில் நேற்று தங்கத்தின் விலையில் அதிக உயர்வு காணப்பட்டது. கிராமுக்கு ரூ 18 உயர்ந்ததால், ஒரு கிராம் தங்கத்தின் விலை ரூ 1621 ஆகவும், பவுன் தங்கத்தின் விலை ரூ.12 ஆயிரத்து 968-க்கும் விற்பனையானது. சர்வதேச தேவை மற்றும் அளிப்பில் ஏற்பட்டுள்ள மாற்றம்தான் இந்த விலை உயர்வுக்கு காரணம் என்று கூறப்பட்டுள்ளது.

ஆனால் இந்த விலை உயர்வு தங்கத்தின் விற்பனையில் பெரிய பாதிப்பு எதையும் ஏற்படுத்தவில்லை என நகை வியாபாரிகள் தெரிவித்துள்ளனர்.