பவுன் ரூ.14,000த்தை நெருங்கும் தங்கம் விலை!

சென்னை: தங்கத்தின் விலை தொடர்ந்து அதிகரித்து வருகிறது. கிட்டத்தட்ட ரூ.14,000த்தை நெருங்குகிறது ஒரு பவுன் விலை.

இந்த ஆண்டு தொடக்கத்தில் ரூ.12,000 ஆக இருந்தது தங்கம் விலை. ஆரம்பத்தில் சற்று விலை குறைவதுபோலத் தெரிந்தது. ஆனால் இப்போது படிப்படியாக உயர்ந்து தற்போது ஆண்டின் பாதியிலேயே ரூ.14,000த்தை நெருங்குகிறது.

நேற்று முன்தினம் ஒரு பவுன் ரூ.13,520 ஆக இருந்தது. நேற்று காலை ஒரே நாளில் அதிரடியாக ரூ.192 உயர்ந்து ரூ.13,712க்கு விற்கப்பட்டது.

இந்த நிலை சிறிது நேரம் மட்டுமே நீடித்தது. மாலையில் மேலும் பவுனுக்கு ரூ.80 அதிகரித்து ரூ.13,792க்கு விற்பனையானது.

இன்று காலை மேலும் பவுனுக்கு ரூ.112 உயர்ந்து ஒரு பவுன் தங்கம் ரூ.13,888 ஆகிவிட்டது. அதாவது, ஒரு பவுன் ரூ.14,000த்தை நெருங்கி விட்டது. ஒரு கிராம் ரூ.1,738க்கு விற்கப்படுகிறது.

பங்கு சந்தையை விட தங்கத்தின் மீது முதலீடு செய்பவர்களின் எண்ணிக்கை நாளுக்கு நாள் அதிகரித்து வருகிறது. இதனால் தான் தங்கத்தின் விலை தொடர்ந்து அதிகரித்து வருவதாகக் கூறப்படுகிறது.