பிஎஸ்என்எல் இலவச சிம்கார்டு கூவி கூவி விநியோகம்: மக்களை கவர புது யுத்தி

நாகர்கோவில்: பிஎஸ்என்எல் இலவச சிம்கார்டு கூப்பன் நாகர்கோவிலில் கூவி கூவி விநியோகிக்கப்பட்டது.

பிஎஸ்என்எல் நிறுவனம் பல்வேறு கவர்ச்சிகரமான திட்டங்களுடன் தொலைபேசி சேவையை வழங்கி வருகிறது. வாடிக்கையாளர்களை மேலும் கவரும் வகையில் இலவச சிம்கார்டு கூப்பன்கள் விநியோகத்தை முவகர்கள் மூலம் துவக்கியுள்ளது.

இதற்காக மக்கள் அதிகம் கூடும் இடங்களில் ஆட்களை நியமித்து கூப்பன்களை விநியோகித்து வருகிறது. இலவச சிம்கார்டு பெற ஒரு புகைப்படம் மற்றும் புகைப்படத்துடன் கூடிய முகவரி சான்று, மாணவர் அடையாள அட்டை, ரேஷன் கார்டு இவற்றி்ல் ஏதேனும் ஒன்றை பிஎஸ்என்எல் முகவர் அல்லது கார்டு விற்பனையாளர்களிடம் கொடுத்து சிம்கார்டை பெற்றுக் கொள்ளலாம்.

நாகர்கோவில் நாகராஜா கோவிலில் ஆவணி ஞாயிறை முன்னிட்டு பக்தர்கள் கூட்டம் நிரம்பி வழிந்ததையடுத்து அங்கு ஆயிரக்கணக்கான கூப்பன்கள் கூவி கூவி விநியோகம் செய்யப்பட்டன.