ரூ 59.29 லட்சம் விலையில் 'Q7 ஆடி'

ஜெர்மனி தயாரிப்பான ஆடி காரின் சொகுசு மாடல் க்யூ 7-க்கு ரூ 59.29 லட்சம் விலை நிர்ணயிக்கப்பட்டுள்ளது.

இந்தியாவில் ஆடி கார்களுக்கான தேவையும் விற்பனையும் அதிகரித்துள்ளதால் வரும் ஜனவரி 11ம் தேதி அதிக அளவு கார்கள் மார்க்கெட்டில் விடப்படும் என்று ஆடி கார் நிறுவன தலைவர் தெரிவித்தார்.

ஆடியின் க்யூ 7 மாடல், 8 கியர்களைக் கொண்டது. 100 கிமீ வேகத்தை ஜஸ்ட் 6.9 விநாடிகளில் எட்டக் கூடிய சக்திமிக்கது. அதிகபட்சம் மணிக்கு 245 கிமீ வேகத்தில் பறக்கும் திறன் கொண்டது.

செடான் வகையில் மிக உயர்ந்த சொகுசு காராகக் கருதப்படும் ஏ 7 வகையை விரைவில் இந்தியாவில் அறிமுகப்படுத்தவும் ஆடி திட்டமிட்டுள்ளது.

அவுரங்காபாத் தொழிற்சாலையில் இப்போது ஆடி கார்கள் தயாராகி வருகின்றன. முதல் கட்டமாக 3000 கார்கள் விற்பனைக்கு வரும் என எதிர்ப்பார்க்கப்படுகிறது.

2009-ம் ஆண்டு இந்தியாவில் 1658 கார்கள் விற்பனையாகியுள்ளன. 2010-ல் விற்பனை அளவை 3000 கார்களாக உயர்த்த முடிவு செய்யப்பட்டுள்ளது.