பள்ளியில் முட்டைகள் திருடிய ஆசிரியர் கைது

கருங்கல்: பள்ளிக்கூடத்தில் முட்டை திருடிய ஆசிரியர் கைது செய்யப்பட்டார்.

புதுக்கடை அருகே உள்ள முட்டத்து மாமேடு பகுதியில் அங்கன்வாடி மையம் உள்ளது. இந்த மையம் மூலம் ஏராளமான குழந்தைகளுக்கு சத்துணவு, முட்டை வழங்கப்பட்டு வருகிறது. இந்த மையத்தில் உள்ள முட்டைகள் அடிக்கடி திருட்டு போய் வந்தது.

திருட்டில் ஈடுபடும் நபரை பிடிக்க அப்பகுதி பொதுமக்கள் முடிவு செய்தனர். அதன்படி அங்கன்வாடி மையம் அருகே பொதுமக்கள் சிலர் பதுங்கியிருந்து அங்கு முட்டையை திருட வரும் நபரை கண்காணித்தனர். அப்போது அங்கன்வாடி மைய ஆசிரியரே முட்டையை திருடியது தெரிய வந்தது.

அவரை கையும் களவுமாக பிடித்த பொதுமக்கள் பைங்குளம் பஞ்சாயத்து தலைவர் சந்திரகுமாரிடம் ஓப்படைத்தனர். அவர் ஆசிரியர் குறித்து அதிகாரிகளிடம் புகார் தெரிவித்தார்.

English summary

A School Teacher has been arrested for stealing Eggs from noon mean centre. The Teacher who was working with the local anganvadi centre caught red handed by the people and handed over to Police.