ஏர் ஹோஸ்டஸை முத்தமிட்ட பைலட் சஸ்பெண்ட் செல்லும்: அப்பீல் தள்ளுபடி

டெல்லி: இளம் ஏர் ஹோஸ்டஸ்களிடம் சிலமிஷம் செய்யும் விமான ஓட்டிகளை சஸ்பெண்ட் செய்வதோடு அல்லாமல் சட்டப்படி நடவடிக்கையும் எடுக்கப்படும். அதனால் விஷமம் செய்யும் பைலட்டுகள் ஜாக்கிரதை.

கடந்த செப்டம்பர் மாதம் 3-ம் தேதி டெல்லி-பெங்களூர்-ஹைதராபாத்-கொச்சின் பிரிவு ஸ்பைஸ் ஜெட் விமானத்தின் பைலட், காக்பிட்டுக்குள் வந்த ஒரு ஏர் ஹோஸ்டஸுக்கு திடீர் என்று முத்தம் கொடுத்து விட்டார்.

இதை சற்றும் எதிர்பாராத அந்தப் பெண் திகைத்து நிற்க, அவர் மீண்டும் முத்தமிட்டுள்ளார். உடனே அந்தப் பெண் அங்கிருந்து வெளியே சென்றுவிட்டார். இவரும் அந்தப் பெண்ணை பின்தொடர்ந்து சென்றுள்ளார்.

இதுகுறித்து பின்னர் ஏர் ஹோஸ்டஸ் புகார் கொடுத்தார். அதன் பேரில், பைலடின் ஓட்டுநர் உரிமம் சஸ்பெண்ட் செய்யப்பட்டது. இதை எதிர்த்து அவர் மேல் முறையீடு செய்தார். ஆனால் அதை விமானப் போக்குவரத்துத் துறை இயக்குநர் தள்ளுபடி செய்தார்.

கண்ணியம் இல்லாமல் நடந்து கொண்ட பைலட்டை, வெறும் மன்னிப்பு கேட்பதால் திரும்ப வேலைக்கு எடுத்துக் கொள்ள முடியாது என்று இயக்குநரகம் தெரிவித்துள்ளது.

இது குறித்து ஸ்பைஸ் ஜெட்டிடம் கேட்டதற்கு அது எந்த பதிலும் அளிக்கவில்லை.

English summary

Spice Jet flight 501/871 pilot had kissed an air hostess when she entered the cockpit. When she was freezed because of this, the pilot kissed her again. An inquiry was conducted and the piolt"s licence was suspended. His plea to revoke the suspension was rejected.