கர்நாடக உள்ளாட்சித் தேர்தல் வாக்கு எண்ணிக்கை-பாஜக முன்னணி

Published: Tuesday, January 4, 2011, 15:22 [IST]

Subscribe to Oneindia Tamil

பெங்களூர்: கர்நாடக உள்ளாட்சித் தேர்தலில் பதிவான வாக்குகளை எண்ணும் பணி இன்று காலை தொடங்கியது. தொடங்கியது முதல் பாஜக முன்னணியில் உள்ளது.

இந்தத் தேர்தல் எதியூரப்பாவுக்கு மிக முக்கியமானது. இதில் பாஜக வென்றால்தான் அவரது பதவி தப்பும் என்பதால் தேர்தல் முடிவுகள் பெரும் எதிர்பார்ப்புக்குரியதாக உள்ளன.

மொத்தம் உள்ள 30 மாவட்ட பஞ்சாயத்துக்களில் 14ல் பாஜக முன்னணியில் உள்ளது. காங்கிரஸ் 7. மதச்சார்பற்ற ஜனதாதளம் 4 என முன்னணியில் உள்ளன. மொத்தம் 171 மையங்களில் வாக்குகள் எண்ணும் பணி நடந்து வருகிறது.

தாலுகா பஞ்சாயத்துக்களைப் பொறுத்தவரை பாஜக 20லும், காங்கிரஸ் 10 மற்றும் மதச்சார்பற்ற ஜனதாதளம் 7 தாலுகா பஞ்சாயத்துக்களிலும் முன்னணியில் உள்ளன.

டிசம்பர் 26, 31 மற்றும் ஜனவரி 1 ஆகிய தேதிகளில் வாக்குப்பதிவு மூன்று கட்டமாக நடந்தது.

Published On January 4, 2011