2ஜி ஸ்பெக்ட்ரம் ஒதுக்கீட்டால் நஷ்டமில்லை-சிபல் பேச்சுக்கு சிபிஎம் கண்டனம்

பெங்களூர்: 2ஜி ஸ்பெக்ட்ரம் ஒதுக்கீட்டில் எந்த இழப்பும் ஏற்படவில்லை என்று மத்திய தொலைதொடர்புத் துறை அமைச்சர் கபில் சிபல் கூறியுள்ளார். 2ஜி ஊழலில் லாபம் அடைந்தவர்களை காப்பற்றத் தான், நம்ப முடியாததை எல்லாம் சிபல் கூறுவதாக மார்க்சிஸ்ட் கம்யூனிஸ்ட் கட்சி குற்றம் சாட்டியுள்ளது.

இது குறித்து மார்கசிஸ்ட் கம்யூனிஸ்ட் கட்சியின் மூத்த தலைவர் சீதாராம் யெச்சூரி கூறியதாவது,

2ஜி விவகாரத்தில் ஜேபிசி விசாரணை நடத்த வேண்டும் என்பதில் உறுதியாக இருக்கிறோம். அதில் எந்தவித மாற்றமும் இல்லை. குற்றவாளிகளை பிடிப்பதற்காகவும், நிதி நிலவரம் குறித்து அறிவதற்காகவும் மட்டும் ஜேபிசி விசாரணை கோரவில்லை. இதன் மூலம் அமைப்பில் உள்ள ஓட்டைகளை அடைத்து, புதிய விதிமுறைகளை கொண்டு வருவது தான் எங்கள் நோக்கம்.

ரூ. 1. 76 லட்சம் கோடி நஷ்டம் ஏற்பட்டிருப்பதாக கூறும் சிஏஜி முறை தவறானது என்னும் சிபலின் விவதாத்தில் தான் குறையுள்ளது. இது ஊழலில் குளிர் காய்ந்தவர்களை காப்பாற்ற முயலும் செயல் ஆகும் என்றார்.

English summary

CPI-M branded Sibal's statement, that there is no loss to the government in 2G spectrum allocation, as flawed. He is trying to shield the beneficiaries of the scam, said senior leader Sitaram Yechury.