தங்கம் விலை... ஒரே நாளில் சவரனுக்கு ரூ 200 குறைந்தது!

சென்னை: தங்கத்தின் விலை இன்று ஒரே நாளில் சவரனுக்கு ரூ 200 குறைந்தது.

தங்கத்தின் விலை முன்னெப்போதும் காணாத அளவு படு வேகமாக உயர்ந்து வந்தது. பவுன் ரூ. 15 ஆயிரத்து 300 வரை விற்கப்பட்டது. ஆனால் பொங்கலுக்குப் பிறகு தங்கம் விலை படிப்படியாக சரியத் துவங்கியது.

நேற்று முன்தினம் ஒரு பவுன் தங்கம் ரூ. 14 ஆயிரத்து 976 ஆக இருந்தது. நேற்று ரூ. 48 அதிகரித்து ரூ. 15 ஆயிரத்து 24க்கு விற்றது.

ஆனால் இன்று மட்டும் அதிரடியாக பவுனுக்கு ரூ. 200 குறைந்தது.

இன்றைய நிலவரப்படி ஒரு பவுன் ரூ. 14 ஆயிரத்து 824 ஆக உள்ளது. ஒரு கிராம் ரூ. 1,753-க்கு விற்கப்படுகிறது. தங்கத்தை விட பங்கு சந்தையில் அதிக அளவில் தற்போது முதலீடு செய்வதும், தற்போது திருமண முகூர்த்தம் குறைவாக இருப்பதும் தங்கம் விலை குறைந்ததாக வியாபாரிகள் தெரிவித்துள்ளனர்.

English summary

There is a sudden fall in gold rate in Chennai market. According to the market reports, gold rate is Rs 14824 per sovereign. It is Rs 200 low from yesterday's rate.