காண வராத ஜெயலலிதா-கவலையில் நடிகர் ராமராஜன்

மதுரை: சாலை விபத்தில் காயமடைந்து மருத்துவமனையில் சிகிச்சை பெற்று வந்த நடிகர் ராமராஜன் தன்னைக் காண அதிமுக பொதுச் செயலாளர் ஜெயலலிதா வராததால் பெரும் கவலையில் மூழ்கியுள்ளாராம்.

முன்னாள் எம்.பியான ராமராஜன், சமீபத்தில் மதுரை மாவட்டம் கள்ளிக்குடி அருகே சாலை விபத்தில் சிக்கினார். இதில் அவரது உதவியாளர் தாஸ் லேசான காயமடைந்தார். கார் டிரைவர் ராஜரத்தினம் உயிரிழந்தார்.

படுகாயமடைந்த ராமராஜன் உடனடியாக மதுரை கொண்டு செல்லப்பட்டு அங்குள்ள அப்பல்லோ மருத்துவமனையில் சேர்க்கப்பட்டார். அங்கு அவருக்கு அறுவைச் சிகிச்சைகள் நடந்தன. ராமராஜனை ஜெயலலிதாவின் உத்தரவின் பேரில் ஓ.பன்னீர்செல்வம் நேரில் சென்று பார்த்து நலம் விசாரித்தார். பின்னர் அவருக்கான சிகிச்சை செலவுகளை அதிமுகவே ஏற்கும் என்று மருத்துவமனை நிர்வாகத்திடம் தெரிவித்து விட்டுத் திரும்பினார்.

அதன் பின்னர் அதிமுக தரப்பிலிருந்து யாரும் ராராஜனை யாரும் போய் பார்க்கவில்லையாம். ராமராஜன் தொடர்ந்து சிகிச்சை பெற்று வருகிறார். அவரது மனைவியான நளினி வந்து பார்க்க மறுத்து விட்டதால் யாரும் உடன் இல்லாத நிலையில் இருக்கிறார் ராமரான். அவரது அண்ணன் குடும்பத்தினர்தான் உடன் உள்ளனர்.

எப்படியாவது ஜெயலலிதா வருவார், பார்த்து நலம் விசாரித்து ஆறுதல் கூறுவார் என்று நினைத்திருந்த ராமராஜனுக்கு அவர் வராதது பெரும் ஏக்கத்தையும், கவலையையும் கொடுத்துள்ளதாம்.

English summary

Actor-Former MP Ramarajan is worried a lot today. He was recently met with accident near Madurai. He has been admitted in Madurai Apollo hospitals. Former Minister O.Pannerselvam met him. But after that nobody from ADMK visited Ramarajan. He is expecting Jaya will visit him. But there is no sign of Jaya's visit. This has worried Ramarajan.