மைக்ரோசாப்ட் இந்திய தலைவர் ரவி வெங்கடேசன் ராஜினாமா

பெங்களூர்: மைக்ரோசாப்ட் நிறுவனத்தின் இந்தியப் பிரிவின் தலைவர் ரவி வெங்கடேசன் தனது பதவியை ராஜினாமா செய்துள்ளார்.

கடந்த 7 ஆண்டுகளாக இந்தப் பதவியிலிருந்த அவர் சிறிது ஓய்வில் இருந்துவி்ட்டு பின்னர் வேறு சில பணிகளில் ஈடுபடப் போவதாகவும், சிறிய ஓய்விலும் புத்தகம் ஒன்றை எழுதப் போவதாகவும் அறிவித்துள்ளார்.

இவரது ராஜினாமா குறித்து மைக்ரோசாப்ட் நிறுவனத்தின் சர்வதேசத் தலைவர் ஜியன் பிலிப் கர்டோயிஸ் வெளியிட்டுள்ள அறிக்கையில், இக்கட்டான காலகட்டத்தில் ரவி மைக்ரோசாப்ட் நிறுவனத்துக்கு வந்தார். அவர் நாட்டிய ஆழமான அடிக்கல் நிறுவனத்தின் வர்த்தக வளர்ச்சியைத் தொடர பெரிதும் உதவியாக இருக்கும் என்று நம்புகிறோம் என்று கூறப்பட்டுள்ளது.

இந்தப் பதவிக்கு வரும் முன் ரவி அமெரிக்காவின் குமின்ஸ் என்ஜின் தயாரிப்பு நிறுவனத்தில் 17 ஆண்டுகள் பணியாற்றியுள்ளார்.

English summary

Ravi Venkatesan, Microsoft's India chairman, is stepping down after seven years at the U.S. software giant's Indian arm. Prior to joining Microsoft, Mr. Venkatesan worked for more than 17 years at Cummins Inc., a U.S.-based firm that designs and makes engines.