திமுக முடிவால் தமிழக காங்கிரஸுக்கு விடுதலை கிடைத்துள்ளது-ஈவிகேஎஸ் இளங்கோவன்

சென்னை: அமைச்சரவையிலிருந்து விலகுவதாக திமுக கூறியுள்ளது, தமிழக காங்கிரஸ் கட்சிக்கு மிகப் பெரிய நற்செய்தி. எங்களுக்கு திமுகவிடமிருந்து விடுதலை கிடைத்து விட்டது என்று கூறியுள்ளார், ஆரம்பத்திலிருந்தே திமுக-காங்கிரஸ் கூட்டணி குறித்து அபசகுணமாக பேசி வந்த ஈவிகேஎஸ் இளங்கோவன்.

திமுக முடிவு குறித்து இளங்கோவன் செய்தியாளர்களிடம் பேசுகையில்,

மத்திய அமைச்சரவையிலிருந்து விலகுவதாக திமுக அறிவித்துள்ளது. இது தமிழக காங்கிரஸ் தொண்டர்களுக்கு மகிழ்ச்சியளிக்கும் நல்ல செய்தியாகும். இதன் மூலம் தமிழக காங்கிரசுக்கு மிகப்பெரிய விடுதலை கிடைத்துள்ளது.

தனித்து போட்டியிடுவதா, அல்லது வேறு கட்சிகளுடன் கூட்டணி அமைத்து போட்டியிடுவதா என்பது குறித்து காங்கிரஸ் மேலிடம் விரைவில் முடிவு செய்து அறிவிக்கும்.

மேலிடம் என்ன முடிவெடுத்தாலும் அதற்கு நாங்கள் முழு ஒத்துழைப்பு அளிப்போம் என்றார் இளங்கோவன்.

English summary

Former Minister EVKS Elangovan has said that, Tamilnadu congressmen are relieved after DMK's decision. He said that, We are very happy now. At last we are released from the clutches of thd DMK. We are waiting for the Congress high command's order. We will abide the party leaderships'd decision, he added.