பாஜக வேட்பாளர்களை ஆதரித்து தமிழகத்தில் சுஷ்மா ஸ்வராஜ் பிரச்சாரம்
சென்னை: தமிழக சட்டசபைத் தேர்தலில் போட்டியிடும் பாஜக வேட்பாளர்களை ஆதரித்து அக்கட்சியின் தலைவர் சுஷ்மா ஸ்வராஜ் தமிழகம் முழுவதும் பிரச்சாரம் செய்கிறார்.
இந்தத் தேர்தலில் 192 தொகுதிகளில் போட்டியிடுகிறது பாரதிய ஜனதா கட்சி. அதன் வேட்பாளர்களை ஆதரித்து பிரசாரம் செய்ய கட்சியின் அகில இந்திய தலைவர்கள் வருகிறார்கள். வருகிற 30-ந் தேதி சுஷ்மா சுவராஜ் கோவை வருகிறார்.
அன்று கோவை மாவட்டத்தில் சுப்பையன் (கோவை வடக்கு), ஆர்.நந்தகுமார் (கவுண்டம் பாளையம்), ராஜேந்திரன் (சிங்காநல்லூர்), ஸ்ரீதர் மூர்த்தி (தொண்டாமுத்தூர்), சி.ஆர்.நந்தகுமார் (கோவை தெற்கு), ரகுநாதன் (பொள்ளாச்சி), சண்முக சுந்தரா (பல்லடம்) ஆகியோருக்கு ஆதரவாக பிரசாரம் செய்கிறார்.
இதேபோல் திருப்பூர், நீலகிரி மாவட்டங்களில் போட்டியிடும் பா.ஜனதா வேட்பாளர்களை ஆதரித்தும் பிரசாரம் செய்கிறார். 30, 31 ஆகிய 2 நாட்களும் தமிழக பிரசாரத்தை முடித்துவிட்டு 1-ந் தேதி கேரளா செல்கிறார். மீண்டும் 5-ந்தேதி தமிழக பிரசாரத்துக்காக வருகிறார்.
Click it and Unblock the Notifications
Sign in with Google