தேர்தல்-ஏப்ரல் 13ம் தேதி பொது விடுமுறை

சென்னை: தமிழக சட்டமன்றத் தேர்தல் நடக்கும் ஏப்ரல் 13-ம் தேதி பொது விடுமுறை நாளாக அறிவிக்கப்பட்டுள்ளது.

இதுகுறித்து தமிழ்நாடு தலைமை தேர்தல் அதிகாரி பிரவீண்குமார் நேற்று வெளியிட்ட செய்திக்குறிப்பில் கூறியிருப்பதாவது:

தமிழ்நாடு சட்டப்பேரவை பொதுத் தேர்தல் 2011-க்கான வாக்குப் பதிவு ஏப்ரல் 13-ந் தேதி நடைபெறுகிறது. செலாவணி முறிச்சட்டம் 1881-ன் பிரிவு 25-ன் கீழ் அன்றைய தினம் பொதுவிடுமுறை நாளாக அறிவிக்கப்பட்டுள்ளது.

தொழிற்சாலை அல்லது வணிக பணியமைப்பில் பணியாற்றுவோருக்கு, மக்கள் பிரதிநிதித்துவச் சட்டம் 1951-ன் பிரிவு 135 பி-ன்படி, ஓட்டுப்பதிவு நடைபெறும் நாளான ஏப்ரல் 13 அன்று ஊதியத்துடன் கூடிய விடுப்பு அளிக்கும்படி நிர்வாகத்தினர், தொழிலாளர் நலத்துறையால் அறிவுறுத்தப்படுவார்கள்.

-இவ்வாறு செய்திக் குறிப்பில் கூறப்பட்டுள்ளது.

English summary

The chief election commissioner of Tamil Nadu, Praveen Kumar declared April 13th as public holiday. April 13th is the day of Tamil Nadu assembly election poll.