வி.சிறுத்தைகளுக்கு மெழுகுவர்த்தி, கொ.மு.கவுக்கு சிலிண்டர் சின்னம்

சென்னை: விடுதலைச் சிறுத்தைகள் கட்சிக்கு மெழுகுவர்த்தி சின்னமும், கொங்கு நாடு முன்னேற்றக் கழகத்துக்கு கேஸ் சிலிண்டர் சின்னமும் ஒதுக்கப்பட்டுள்ளது.

41 தொகுதிகளில் போட்டியிடும் தே.மு.தி.கவுக்கு முரசு சின்னம் ஒதுக்கப்பட்டுள்ளது. அந்தத் தொகுதிகளைத் தவிர்த்து, இதர தொகுதிகளில் போட்டியிடும் சுயேச்சைகளுக்கு அந்தச் சின்னத்தை ஒதுக்க தேர்தல் ஆணையம் உத்தரவிட்டுள்ளது.

அதே போல விடுதலைச் சிறுத்தைகள் கட்சிக்கு மெழுகுவர்த்தி சின்னமும் ஒதுக்கப்பட்டுள்ளது. கொங்கு நாடு முன்னேற்றக் கழகத்துக்கு கேஸ் சிலிண்டர் சின்னமும் ஒதுக்கப்பட்டுள்ளது.

சுயேச்சைகளுக்கு முரசா?-அதிமுக எதிர்ப்பு:

இந் நிலையில் தேமுதிக கட்சிக்கு ஒதுக்கப்பட்ட முரசு சின்னத்தை அந்தக் கட்சி போட்டியிடாத தொகுதிகளில் சுயேச்சைகளுக்கு ஒதுக்கப்பட்டுள்ளதற்கு அதிமுக கடும் எதிர்ப்புத் தெரிவித்துள்ளது.

தேமுதிக கட்சி இன்னும் தேர்தல் ஆணையத்தால் அங்கீகரிக்கப்படவில்லை. இதனால் இந்தக் கட்சிக்கு நிரந்தரமான சின்னம் ஏதும் ஒதுக்கப்படவில்லை.
இந்த நிலையில் மொத்த தொகுதிகளில் 10 சதவீத தொகுதிகளுக்கு மேல் போட்டியிடும் கட்சிகளுக்கு குறிப்பிட்ட ஒரு சின்னத்தை ஒதுக்க தேர்தல் ஆணையம் முடிவு செய்தது. அதன்படி 41 தொகுதிகளில் போட்டியிடும் தேமுதிகவுக்கு முரசு சின்னம் ஒதுக்கப்பட்டது.

இந்த நிலையில் தேமுதிக போட்டியிடாத தொகுதிகளில் முரசு சின்னத்தை தங்களுக்கு ஒதுக்குமாறு சுயேச்சைகள் கோரினர். இதை தேர்தல் ஆணையம் ஒப்புக் கொண்டுவிட்டது.

இதனால் தேமுதிக போட்டியிடாத, அதிமுக போட்டியிடும் இடங்களில், சுயேச்சைகள் முரசு சின்னத்தில் போட்டியிடவுள்ளனர். இந்தத் தொகுதிகளில் தேமுதிகவுக்கு ஓட்டு போடுவதாக நினைத்து சுயேச்சைகளுக்கு மக்கள் ஓட்டு போட வாய்ப்புள்ளதால், அதிமுக அதிர்ச்சியடைந்துள்ளது.

English summary

The VCK got candle and KMK got gas cylinder as poll symbols for the upcoming Tamil nadu assembly polls