பாக். தூதரகத்தில் விசா வழங்கும் பணிகளை நிறுத்தியது அமெரிக்கா

Published: Tuesday, May 3, 2011, 15:06 [IST]

Subscribe to Oneindia Tamil

இஸ்லாமாபாத்: பின்லேடன் கொல்லப்பட்தற்குப் பழிவாங்கும் வகையில் தலிபான் உள்ளிட்ட தீவிரவாத அமைப்புகள் தாக்குதல் நடத்தலாம் என்ற அச்சத்தால் பாகிஸ்தானில் உள்ள அமெரிக்க தூதரகம் மற்றும் துணைத் தூதரகம் ஆகியவை காலவரையின்றி மூடப்பட்டுள்ளன. அங்கு விசா வழங்கும் நடவடிக்கைகளை அமெரிக்கா நிறுத்தி வைத்துள்ளது.

இதுதொடர்பாக அமெரிக்க தூதரகம் வெளியிட்டுள்ள அறிக்கையில் இஸ்லாமாபாத்தில் உள்ள அமெரிக்க தூதரகம், பெஷாவர், லாகூர், கராச்சியில் உள்ள துணைத் தூதரகங்கள், வழக்கமான பணிகளை தற்காலிகமாக நிறுத்தி வைத்துள்ளன. விசா உள்ளிட்டவை வழங்கும் பணிகளும் இதில் அடக்கம்.

இருப்பினும் அமெரிக்க குடிமக்களுக்கான அவசர கால சேவைப்பிரிவு மட்டும் தொடர்நது செயல்படும் எனத் தெரிவிக்கப்பட்டுள்ளது.

Published On May 3, 2011