ஸ்ரீரங்கத்தில் நிற்கும் ஜெயலலிதா வெற்றி பெற்று முதல்வராவாரா?

சென்னை: 6வது முறையாக தேர்தல் களத்தில் நிற்கும் அதிமுக பொதுச் செயலாளர் ஜெயலலிதா, இம்முறை தொகுதி மாறி போட்டியிடும் ஸ்ரீரங்கத்தில் வெற்றி வாகை சூடுவாரா என்ற பெரும் எதிர்பார்ப்பு உள்ளது.

ஜெயலலிதா இதுவரை ஐந்து முறை சட்டசபைத் தேர்தலில் போட்டியிட்டுள்ளார். அதில் நான்கு முறை அவர் வெற்றி பெற்றுள்ளார். ஒரு முறை தோல்வியடைந்துள்ளார்.

ஜெயலலிதா இதுவரை போட்டியிட்ட தொகுதிகள்:

1989 - போடிநாயக்கனூர்
1991 - பர்கூர்
1996 - பர்கூர் - தோல்வி
2001 - ஆண்டிப்பட்டி
2006 - ஆண்டிப்பட்டி

மேலும் இதுவரை 3 முறை முதல்வராக இருந்துள்ளார் ஜெயலலிதா.

தற்போது 6 முறையாக சட்டசபை உறுப்பினராவதற்காக ஸ்ரீரங்கம் தொகுதியில் போட்டியிடுகிறார் ஜெயலலிதா. இதுவரை தமிழகத்தின் மேற்கு மற்றும் தென் மாவட்டங்களில் போட்டியிட்டு வந்த ஜெயலலிதா முதல் முறையாக மத்திய மாவட்டமான திருச்சிக்கு வந்துள்ளார்.

தனது மூதாதையரின் ஊர் ஸ்ரீரங்கம் என்று தனது பிரசாரத்தின்போது தொடர்ந்து கூறி வாக்கு சேகரித்தார் ஜெயலலிதா. எனவே அவருக்கு 'சொந்த' ஊர்க்காரர்கள் வெற்றிக் கொடி காட்டுவார்களா என்ற எதிர்பார்ப்பு எழுந்துள்ளது.

English summary

ADMK supremo Jayalalitha is contesting for the 6th time in Assembly polls. She has contested in Bodinayakkanur, Bargur, Andipatty in earlier elections, and won. This time she has moved to Sri Rangam. She is expecting a win from her ancestor's birth place.