மகள் திருமணத்தில் கலந்துகொள்ள ஜெ.வுக்கு டி.வி.எஸ்.அதிபர் நேரில் அழைப்பு
சென்னை: டி.வி.எஸ். மோட்டார்ஸ் நிறுவனத்தின் மேலாண் இயக்குனர் வேணு சீனிவாசனின் மகள் லட்சுமி-ரோஹன் மூர்த்தி திருமணத்தில் கலந்துகொள்ள வருமாறு, தமிழக முதல்வர் ஜெயலலிதாவுக்கு அழைப்பு விடுக்கப்பட்டுள்ளது.
டி.வி.எஸ். மோட்டார் கம்பெனியின் அதிபர் வேணு சீனிவாசனின் மகள் லட்சுமிக்கும், பெங்களூரை சேர்ந்த பிரபல தகவல் தொழில்நுட்ப நிறுவனமான இன்போசிஸ் நிறுவன அதிபர் நாராயண மூர்த்தியின் மகன் ரோஹன் மூர்த்திக்கும் விரைவில் திருமணம் நடைபெற உள்ளது.
இந்த நிலையில், தனது மகள் திருமணத்தில் கலந்துகொள்ள வருமாறு, முதல்வர் ஜெயலலிதாவுக்கு டி.வி.எஸ். மேலாண் இயக்குனர் வேணு சீனிவாசன் மற்றும் அவரது மனைவி மல்லிகா ஆகியோர் நேரில் சென்று அழைப்பு விடுத்தனர். இந்த அழைப்பை முதல்வர் ஜெயலலிதா ஏற்றுக்கொண்டதாக தெரிகிறது.
தென்னிந்தியாவின் மிகப்பெரிய நிறுவனங்களின் அதிபர்களின் குடும்பத்தை இணைக்கும் இந்த திருமண விழா சென்னையில் நடைபெற உள்ளது. இதைத்தொடர்ந்து, பெங்களூரில் பிரம்மாண்ட வரவேற்பு விழாவும் நடக்கிறது. இந்த திருமணத்திற்கான ஏற்பாடுகளை டி.வி.எஸ். குடும்பத்தினர் பிரம்மாண்டமாக செய்துவருகின்றனர்.