ஓரே பதிவு எண்கள்; இரண்டு கார்கள்; கோவையை கலக்கிய ஸ்கார்பியோ!
கோவை: உள்ளூர் பிரமுகரின் கார் எண்ணைப் போலவே ஓரே பதிவு எண்களில் வலம் வந்த காரை போலீசார் அமுக்கியுள்ளனர்.
பிரமுகர்
கோவை ம.தி.மு.க., பிரமுகர் ஆனந்தன். இவர் தடாகம் ரோட்டில் செங்கல் சூளை நடத்தி வருகிறார். இவரது ஸ்கார்பியோ காரின் எண் டி.என். 38 ஏ.எம்.2353 ஆகும். இந்நிலையில் ஆனந்தனின் கார் பதிவு எண்ணையே கொண்ட மற்றொரு ஸ்கார்பியோ கார் கோவையின் பல்வேறு இடங்களில் சுற்றித் திரிவதை ஆனந்தனின் நண்பர்கள் கண்டுள்ளார்கள்.
தேடுதல்
தன்னுடைய காரின் அதே எண்ணைக் கொண்ட காரை ஆனந்தன் பல இடங்களில் தேடியும் கண்டுபிடிக்க முடியவில்லை. நேற்று கோவை பாலசுந்தரம் ரோட்டில் உள்ள ஒரு அலுவலகத்தின் முன்பு அந்த கார் நின்று கொண்டிருப்பதாக ஆனந்தனுக்கு தகவல் கிடைத்தது. அவர் உடனே காட்டூர் காவல் நிலையத்திற்கு தகவல் கொடுத்தார்.
பறிமுதல்
ஆனந்தனின் புகாரின் அடிப்படையில், காரை பறிமுதல் செய்த போலீசார், காரின் ஆவணங்களைச் சரிபார்த்தனர். கார் தனியார் நிறுவன மேலாளர் ஒருவருக்குச் சொந்தமானது என்பது தெரியவந்தது. அத்துடன் காரின் ஆவணங்கள் போலியாக தயாரிக்கப்பட்டவை என்பதும் தெரியவந்தது. இதைக் கண்ட போலீசார் அதிர்ச்சி அடைந்தனர்.
விசாரணை
மேற்படி கார் என்னென்ன உபயோகங்களுக்கு பயன்படுத்தப்பட்டது. இதைப்போலவே போலி பதிவு எண்களுடன் நகருக்குள் வேறு கார்கள் ஓடுகின்றனவா என்பன குறித்து காரின் உரிமையாளரிடம் காவல் துறை விசாரணையை முடுக்கியுள்ளது.
Click it and Unblock the Notifications
Sign in with Google