ஏர் இந்தியா விமானம் அவசர தரையிறக்கம்: பயணிகள் உயிர் பிழைப்பு

கான்பூர்: டயர் வெடித்ததால் ஏர் இந்தியா விமானம் ஒன்று ஓடுபாதையில் இருந்து விலகிச் சென்றதில் அதன் டயர்கள் சேற்றில் சிக்கின. இதில் அந்த விமானத்தில் இருந்த 54 பயணிகள் அதிர்ஷ்டவசமாக உயிர் பிழைத்தனர்.

ஏர் இந்தியா விமானம் ஏஐ- 9801 டெல்லியில் இருந்து கான்பூர் வழியாக கொல்கத்தாவுக்கு புறப்பட்டது. அதில் 54 பயணிகள் இருந்தனர். கான்பூர் விமான நிலையத்தில் இறங்குகையில் விமானத்தின் டயர் திடீர் என்று வெடித்தது. இதையடுத்து விமானம் ஓடுபாதையில் இருந்து விலகிச் சென்றதில் அதன் டயர்கள் சேறில் சிக்கியது.

இதில் விமானத்தில் இருந்த பயணிகள் அனைவரும் அதிர்ஷ்டவசமாக உயிர் பிழைத்தனர். உடனடியாக விமானம் சேற்றில் இருந்து எடுக்கப்பட்டது. இந்த விமான சேவை கடந்த மாதம் தான் துவங்கப்பட்டது என்பது குறிப்பிடத்தக்கது.

இந்த விமானத்தில் பிரபல எழு்ததாளர் சேத்தன் பகத் இருந்தார். உயிர் பிழைத்து குறித்து அவர் டுவிட்டரில் தனது மகிழ்ச்சியைத் தெரிவித்துள்ளார்.

English summary

Air India plane AI- 9801 carrying 54 passengers skidded off the runway at Kanpur airport as its tyre blasted. Luckily all the 54 passengers have escaped unhurt. This flight was headed from Delhi to Kolkata via Kanpur.