ஹாரிபாட்டர் கதையில் வருவது போன்ற பைனாகுலரை வடிவமைத்தது சோனி
ஹாரிபார்ட்டரின் கதையில் வரும் ஓம்னியோக்குலார் என்ற தொலைநோக்கியின் மூலம் முன்பு பார்த்த சம்பவங்களை மீண்டும் ரீ-பிளே செய்து பார்க்கும் வசதி இருப்பதாக காட்டப்படுகிறது. அதுபோல ஒருமுறை பார்த்த காட்சிகளை அதேபோல மீண்டும் ரீ-பிளை செய்து பார்க்கும் சிறப்பம்சம் கொண்ட தொலைநோக்கிகளை சோனி நிறுவன விஞ்ஞானிகள் வடிவமைத்துள்ளனர்.
தேவ்-3 மற்றும் தேவ்-5 என பெயரிடப்பட்டுள்ள இந்த பைனாகுலர் மாடல்களில், 3டி வீடியோ படப்பிடிப்பு வசதியும் உண்டு. இதில் தேவ்-5 மாடலில் 10எக்ஸ் டிஜிட்டல் சூம் வசதி உள்ளது. தேவ்-3ல் இந்த வசதி இல்லை. பிடிக்கப்பட்ட படங்கள் எஸ்.டி. மெமரி கார்டில் பதிவு செய்வதால், தேவையற்ற படங்களை அழிப்பதற்கு எளிதாகிறது. மேலும் பிடிக்கப்பட்ட காட்சிகளை பெரிய திரைகளுக்கு மாற்றும் வசதியும் இதில் இணைக்கப்பட்டுள்ளது.
வீடியோ கேமராக்களில் மட்டுமே பதிந்து படம் பிடிக்கும் வசதி இருந்த நிலையில், சோனியின் இந்த பைனாகுலர்களில் பார்க்கும் படங்களை பதியும் வசதி இருப்பது சுற்றுலா பயணி்கள், வேட்டைக்கு செல்பவர்கள், காட்டு மிருங்கள் மற்றும் பறவைகளை பார்ப்பவர்கள் மற்றும் துப்பறியும் நபர்களுக்கும் பெரிதும் பயன்படும் என சோனி எலெக்ட்ரானிக்ஸ் நிறுவனத்தின் இயக்குனர் ஒருவர் தெரிவித்தார்.
வரும் நவம்பர் மாதம் முதல் விற்பனைக்கு வரும் என எதிர்பார்க்கப்படும் சோனியின் தேவ்-3 மாடல் பைனாகுலரின் விலை, சுமார் 70 ஆயிரம் ரூபாயும் ($1,399), தேவ்-5 மாடலின் விலை சுமார் 1 லட்சம் ரூபாய் ($1,999) மட்டுமே.
Click it and Unblock the Notifications
Sign in with Google